% أشياء ترفع الضغط %

مساء الخيـــر عليكم كلكم بلا استثناء !!


الأشياء اللي ترفع الضغط كثيرة ... ومنها مايلي

* أنك تشرب ببسي حار

* أنك تصلي وأنت لابس شراب مشقوق

* أنك تعطي أخوك سيارتك ... ويرجعها والتانكي فاااضي

* أنك تدخل المسنجر .. وما تلقى ألا اللي ماتبيهم

* أنك تـتـفاهم مع رجل امن سعودي

* أنك تناظر مباراة على الأي آر تي وأنواع الحماااس وفجأة ينقطع الاشتراك

* أنك تلعب كوره وأنت حافي .. وتشوت غطا البياره

* أنك تذاكر تذاكر تذاكر تذاكر <-- أخلص .. وبعدين تكتشف أن اللي ذاكرته مهوب داخل معك في الاختبار

* أنك تعطي جوالك لواحد ويرجعه لك والرسايل محذوفه

* أنك تقوم من صباح الله وتروح للجامعة تمشي مليون .. وتلقى الدكتور معتذر

* أنك تقوم الصبح وتلقى معجون الأسنان مخلص

* أنك تنزل للبقاله وما تلقى عنده عسكريم جلكسي

* أنك تـَـشرق بالماء

* أنك تلعب كيرم وتدخل الخمسين 3 مرات ولاتقدر تدخل الطباقه .. أو أنك تدخل الطباقه والمصقال معه

** أنك تغرز بالبر وأنت معك جيب .. ويمر من جنبك ددسن يمشي بشويش ويناظرونك ويضحكون

* أنك تتروش وأذا خلصت ماتلقى فوطه ... ولا روب ..

* أنك تكتب موضوع طويييييييل ... وأذا جيت ترسله يطس .. مدري وين يروح

* أنك تغص ولاتلقى أحد يطق ظهرك

* أنك تتفرج على اجتماع دول مجلس التعاون الخليجي

* أنك تلبس نظاره وصخه

* أنك تشوف فـلم .. وواحد جنبك يقولك القصة

* أنك تمسك خط وفيه ذباب بسيارتك وأنك تفتح الدريشه تبي تطرده ولا يطلع

* أنك تاكل حنيني بارد

* أنك تسوي فيها متابع مع الدكتور وتتوهق يسألك سؤال وماتقدر تجاوب

* وانت بالطيارة يجيك إسهال

* انك تودي أهلك للسوق مرة وترجع للسوق 6 الاف مرةة عشان يرجعون قطعة



تحياتي الباردة ! !

هههههههه

*ولما ترن على احد اصدقائك لاعطائه رقم موبايلك وتخرج رساله عفوا رصيدك لايسمح لارجراء المكالمه